Azərbaycanın zəngin musiqi sənəti minilliklər boyu formalaşaraq böyük inkişaf yolu keçmişdir. Azərbaycan musiqisi barədə ilkin məlumatlar arxeoloji qazıntılar zamanı aşkar olunmuş abidələrdən, Qobustan (e.ə. XVIII–III minilliklər) və Gəmiqaya (e.ə. III–Iminilliklər) qayaüstü təsvirlərindən əldə edilmişdir. Orta əsrlərdə Azərbaycan musiqisi daha da inkişaf etmişdir. “Kitabi-Dədə Qorqud” dastanında (VII əsr) musiqi məclisləri, ozan sənəti və qopuz aləti haqqında məlumat verilir. Dahi şairlər Nizami Gəncəvi və Məhəmməd Füzuli öz əsərlərində musiqinin insan ruhuna təsirindən, müxtəlif musiqi janrlarından və alətlərdən bəhs ediblər. Musiqi insan ruhunu oxşayan, ona müxtəlif istiqamətli təsirlər göstərə bilən unikal bir vasitədir.